السبت، ٢٧ يناير ٢٠٠٧

أخيرا مكسرات!!!!!!!!!!


وأخيرا دخلت عالم التدوين !!!

منذ شهور000 وفكرة التدوين تلح علي بصوره كبيره ولكن كان هناك
قمع مستمر لهذه الفكره من السلطات العليا وخاصة في الاونة
الاخيره وذلك نتيجه للامتحانات00

ولكن000 ها انا ذا أخط كلماتي الاولى في عالم التدوين وذلك بعد أن
انزاحت الامتحانات بما تحمل من......و.........و......لا داعي
لاساءة سمعة المدونه000

هييييييييييييييييييييييييه"تنهيده عميقه جدا"

.......................................

المهم.. ها هي حبيبتي مكسرات بين ايديكم

تتذوقون فيها الصحه النفسيه والشعر العذري00

ولانها مكسرات فأيضا تجدون تلميحات سياسيه وأحيانا أوراق حركيه00

ولانها مكسرات تجدون فيها ذكريات وشخصيات00

ولانها كما حفظتم "................."تجدون فيها خواطر ويوميات وأفكار ومشكلات00

ولانها...........فلن يكون لها معنى الا لوتذوقتوها00
ولانها مكسرات فلن تظل مكسرات الا لو جدتم بارائكم فيها00

هناك ٢٩ تعليقًا:

غير معرف يقول...

الف مبروك على دخولك عالم المدونات مع السنه الجديدة. وان شاء الله تنورى النت بس مايكنش تضييع لوقتك. سؤال صغير بس , ليه مكسرات؟ ليه مش فواكهه مثلا أو حلويات؟

غير معرف يقول...

مبرووووووووووووك دخولك عالم المدونات
وفي انتظار مدوناتك

عبدالمنعم محمود يقول...

الاخت مكسرات بنت الاخوان
مرحبا بك في علم التدوين واتمني أن تستطيعي ان تكسري حاجز صمت بنات الاخوان وتعبرين عن صورة البنت المصرية التي تنتمي لجماعة مثل الاخوان
سعيد بانشائك مدونة واتمني عندي تصفحها مرة أخري أجد بها ما هو جديد ومفيد

ياء يقول...

اهلا بيك فى عالم التدوين

وننتظر الجديد

غير معرف يقول...

مبروك و صول المكسرات أخيرا يا بنت الاخوان ....و انا احساسي ان المدونة دي هتكون فعلا كلها مكسرات ... للحواجز و القيود... للملل و الالم ..لليأس و الزهق ... و واثقة جدا من أنها هتكون تعبير صادق عن بنات الاخوان ... ببساطتهم و التزامهم و مرحهم و انطلاقهم و تحررهم الفكري .... و واثقة اكتر من أنك على قد ما هتبذلي جهد و على قد ما هتدي اهتمام لمدونتك دي ... و على قد ما تجددي في نوايايكي ... و على قد ما ناس هتدخل و تعرف الاخوان صح ... و تفهم الاسلام صح ... و تلاقي نفسها بجد في مدوناتك .... هيتقل ميزان حسناتك ويرجح ...فقط كوني صادقة حبيبتي ..

None يقول...

الف مبرروك على المدونه
وعقبال التدوينه الالف ليكى
وبجد انا مبسوط جدا
انه هيبقى فى صوت للاخوات فى التدوين
وان شاء الله ربنا يوفقك ونشوفك متالقه
وسلاااااااام

محمود سعيد يقول...

أخيراً يا مكسرات ....

مدونات - بكسر النون - من الإخوان وبعد وجودكن فى العمل العام والدور الملحوظ الكبييييير جداً جداً للأخوات وجدنا مدونة - برضه بكسر النون - من الأخوات


يا مرحب

محمد السيد..مش حاسكت يقول...

يا مراحب ....ببنت الإخوان ...


أهلا بيكم شرفتونا .... وإلي تدوينات سعيدة بإذن الله ....

نلتقي بعد الفاصل ....

يلا مش مهم يقول...

اخيرا
مش مصدق
مدونة لبنت من بنات الاخوان
والله تسلم يمينك وشمالك لانك اخذت المبادرة ودونتي
مكسرات
اسم لذيذ جدا بيدل علي خلفية مبدعة ومنفتحة وممتلكة لاهم صفة مصرية وهي
خفة الدم
يعني احنا امام بنت مصرية اخوانية قدرت تتغلب علي مشكلات وسلبيات بتواجه البنت المصرية بصفة عامةوكذلك حواجز البوح والمكاشفة الموجودة بين بنات الاخوان
صدقيني يا مكسرات انا كنت في مقابلة قريب جدا مع صحفية في الاهرام ابدو الفرنسية وكان جزء كبير من كلامنا حول بنات الاخوان ايه شكلهم وايه نشاطهم وايه شكل عضويتهم في الجماعة ولا اخفي عليك انني احسست من كلامها حجم الغموض المحيط بكن واعتقد ان التدوين فرصة جيدة لتعريف العالم الخارجي بكن واحلامكن ونشاطكن وغيرها
بس ليا رجاء
من الجيد ان تنشئ المدونة ولكن ليس هذا هو نهاية المطاف بل بدايته ونحن في انتظار تدويناتك المكسراتية الاخوانية المصرية
واخيرا ربنا يتقبل منك ويثيبك ويكتب لكي اجر الريادة
وسلام بقي

غير معرف يقول...

أخيراً .. هنشوف مدونة لبنوتة من الإخوان
بجد .. ده عامل مشجع للواحد علشان ياخد خطوة هو كمااان
عموماً ألف مبروك يا مكسرات
وبانتظار القادم

عمر عاشق القرآن يقول...

اول مدونة للاخوات
اهو كده لحسن يقولوا الاخوات ملهمش صوت

ان شاء الله مكسرات محدش يقدر يكسرها و ان شاء الله تكون مختلفة عن الاخرين


انا هحطلك لينك عندى علشان الناس تشوف صوت بنات الاخوان

و مش هقولك حطيلى لينك عندك

آية يقول...

مكسرات ..على فكرة انتي مش وحدك دلوقتي من الاخوات في التدوين...بصراحة انا غيرت منك جدا عشان كده عملت مدونتي
بحب النور
http://ba7ebelnoor.blogspot.com/

AbdElRaHmaN Ayyash يقول...

هههههههههه
عجبتني كتير المدونة
وعجبتني اكتر الردود
والله الواحد لقى هنا من الاخوان اللي عمره ما شافهم متجمعين في تعليق واحد
جميل جدا جدا
وربنا يوفقك يا اخت مكسرات :D
وسلام

عبدالمنعم محمود يقول...

الاخت مكسرات اللي عملت حفلة وهيصه يعني عملتي المدونة ولا شفنا منك حتي شويه فول سوداني مش حنقول بندق وفسدق
فين اختنا المدونة التدوين
والكلام
لازلت انتظر ماذا ستكتب بنت مرية تنتمي للاخوان المسلمين

غير معرف يقول...

احاول التدوين ثانية منذ اول يوم انشات فيه حبيبتي مكسرات ولكن تتنكرت لي البلوجز فانكرت باسوردي وايميلي
امامي فقط اسبوع ساطرق فيه الابواب وان فشلت مححاولاتي سانشا اخرى واضع اللينك هنا في تعليق
اشكركم من اعماقي على الاهتمام وعلى هذه الدفعه الرائعه واتتمنى ان اكون قدر ما حملتوني
بنت من الاخوان اومكسرات

belal يقول...

هه يالله حطة يا بطة دقن القطة هه ..خطوة خطوة .هه.حتة بحتة..يللا بقى وللا عايزانا نشجع أكتر من كده هه

عبدالله يقول...

طريقه سلسله و جميله في الكتابه تخلينا مستنين نشوف اول بوست ليكي

ومازلنا في الانتظار

تحياتي

آية يقول...

بالراحة عليها ياجماعة ....المدونين برده لازم يراعزا ظروف بعض

AbdElRaHmaN Ayyash يقول...

ننتظررر

Islamist Bloke يقول...

فين الانتاج يا بنتي؟
هو انتى فتحتي المدونة وكتبتي بوست واصبحت كدة ضمان مثلا تاخدي بيه قرض من بنك وبعدين ما كتبتيش فيها؟
فين الانتاج يا مكسرات؟
احنا فى الانتظار

غير معرف يقول...

الله
مدونة قوية جدا
ودسمه
ومليانه تعليقات بس مش عارف على إيه

أمال لو في تدوينه الناس هاتكتب إيه

المهم مبروك وربنا ينتع التدوينه الأولى بالسلامه

السلام عليكم

غير معرف يقول...

سلام عليكم,,,

لأ الاتنين فى يوم واحد..ده ربنا فرجها جدا ..اصلى انهارده شفت بحب النور وقلت أخيرا مدونة للأخوات .. بتاعتى لسه مبتدئة لسه محطتش فيها غير تدوينتين بس ان شاء الله ناوية أركز معاها الفترة الجاية

المهم ربنا ييسرلك الدخول وفى انتظار اللينك الجديدة اذا منفعش

منتظرة زيارتك عل
www.elfagreya.blogspot.com

بنت من الاخوان يقول...

كلكم شرفتوني فعلا
أعزكم الله

بنت من الاخوان يقول...

كل الحكايه يا اخواني ان اني جديده في عالم التدوين وكانت لدي مشكله عويصه في الدخول للمدونه
ولكن اذن الله ان امر بهذا الاختبار الصعب ليمتحن ثباتي على فكرة التدوين وها انا عدت شاكرة لكل الرائعين الذين دفعوني للامام واعطوني اكثر من قدري
انا فعلا تشرفت بمدونين رائعين جدا وعظماء غير مدونين اتمنى ان اكون قدر ثقتكم وان اقدم لكم ما يبرر صبركم

بنت من الاخوان يقول...

صوت عصفوره اشكرك حبيبتي على مؤازرتي
عبد المنعم محمود
الفول السوداني اصيل زي اصالةالمواطن المصري الصالح فلا تسخر منه

غير معرف يقول...

Hello ..
Nice blog and posts ..
You may add your blog to the Egyptian bloggers community at http://www.egybloggers.org

will be nice to be there.
and inform other bloggers you know about it to be all there ..

Good luck
EgyBloggers.org

غير معرف يقول...

السلام عليكم
انا ايراني و مسلم

بنت من الاخوان يقول...

اهلا بك اخي الايراني المسلم

غير معرف يقول...

مكسرات

قوليلي عملتي إيه علشان يرجعلك اليوزر والباسوورد
؟؟؟؟

أختك محتاااسة
وكل شوية بدخل أتفرج على مدونتي
ومش عارفة أكتب فيها :(