الاثنين، ٣٠ أبريل ٢٠٠٧

أنا أسف




كلمه غابت عن كثيرا منا واستبدلناها ب مش قصدي .....حصل خير.....مش واخد بالي

الظروف...هي دي الدنيا

نكثر من عتاب الاخرين

نسأل كثير عن حقوقنا

نتالم ممن أذانا

ممن غاب ولم يسال

..........................

هذا حال كثير منا

.............

أو على الاقل حال كثير ممن قابلتهم هذه الايام

....................

الدكتور متعنت وبابا وماما مطنشني...........جوزي همه الشغل وبس

الجيران حاطين الزباله عالسلم.........صحابي ما بيسالوش عني

الاخوات ما بيشغلونيش.....العيال مغلبني اوي

عيلتي مش مهتمه بيا

و..................الكثير من الشكاوي والتململ وال...........

هذه ظاهره يطلق عليها علماء النفس بالعزو الخارجي

أن الفرد يرى ان كل مشاكله سببها البيئه والظروف والاخرين والنصيب والاي حاجه هو غير قادر على التحكم فيها

.................................................

تعالو نبدأسلم النجاح بأن نشغل أنفسنا بما نحن قادرون على التحكم فيه

تعالوا نحول حياتنا لخلية عمل وحيويه بدل من حالة الركود والكسل و"الانتخه"والتبرير ورمي العواقب والنتائج السلبيه على الاخرين

.....................

تعالوا نعتذر لانفسنا لاننا قصرنا في المذاكره بدل من صب الغضب على الدكتور المتعنت

تعالوا نقولها بدون تردد أنا اسف يا ابي انا اسف يا امي لان حواري معاك هو طلب بدون عطاء

اعتذري لزوجك لانك تتذكرين مشاكل حياتك عند رؤيته وكذلك مصاريف الشهر

جيرانك قد تكون السلبيه هي عامل مشجع لزيادة الزباله في المستقبل

أعتذري لصحابك لان اخوتك مش سليمه وما قبلتهمش زي ما هم وما احسنتش الظن بيهم

أعتذري لربنا لانك ظننتي ان دعوته ملك لافراد ولم تسعي لها بذاتيه

أعتذري لعيلتك لان ما فيش عندك التماس اعذار

.......................................

أكيد في حاجات خارجه عن ارادتنا وعملنا جزء من وسعنا لتغييرها

لكن اللي أكيد أكثر منه ان لو شغلنا نفسنا بوا جبتنا كويس هناخد حقوقنا

ولو عملنا اللي علينا لازم هناخد اللي لينا

ولو اتعلمنا نقول اسفين أكيد هنرتاح

..................................

ملحوظه: أنا اسفه يا خطيبي العزيز لان حيائي يمنعني ان اسطر في مدونتي كلمات في حقك







هناك ٣١ تعليقًا:

محمود سعيد يقول...

عودة بعد طول غياب

cleopatra يقول...

موضوع جميل يا حبيبتي ..

عمر عاشق القرآن يقول...

انا أسق جدا خالص

على مدونتى الآن

محمد يقول...

حمدا لله على سلامتك

كلمات جميلة جميلة ليتنا نتعلمها

آية يقول...

بجد موضوع حلو اوي .... و بعدين انتي تغيبي تغيبي و ترجعي باتنين مرة واحدة ... محدش علمك التنظيم و التخطيط قبل كده و لا ايه ؟؟

فكرة اننا نتصور اننا مسؤلين عن افعالنا او ان التغيير و تحقيق احلامنا و اهدافنا ممكن يكون في ايدينا ...فكرة بعيدة عنا دائما ... نفضل دائما ان نريح أنفسنا بالقاء الاعباء على الاخرين ايا كانوا ... حتى لو افتراضيين ..
بجد محتاجين نبص لنفسنا شوية ... نشوف اللي في ايدينا بدل ما نركز على كل اللي مش موجود معانا...
آية

مشروع انسان يقول...

فعلا المفروض الواحد يتحرك ويبطل يبكى على اللبن المسكوب مش كفاية بقى شكوى امتا نبدا نتغير ونصلح احوالنا الاول قبل الناس

واحد من الإخوان يقول...

كلما مر الزمن بنا نفقد امرين مع الوقت
نفقد الشجاعة التي تجعلنا قادرين على الأسف

ونفقد العزيمة التي تجعلنا نواجه الكسل والصعاب

محمد حمزة

elbostagy2 يقول...

السلام عليكم ورحمة الله وبركاته

أختي العزيزة أعتقد ان الأسف أو تقديم لله كان من باب أولى أن يذكر في بداية الأعذار التي وجب تقديمها


أذكر طرفه لابن القيم الجوزي رحمه الله

أتت فأرة جملا وطلبته بعلا لها فأمسكت بلجامه وسحبته إلى بيتها
( طبعا كلنا عارفين بيت الفأرة)

فنظر إليها وقال أهكذا بيتك
قالت نعم

فرد عليها قائلا
إما أن تجدي بيتا يليق بمقامي أو زوجا يليق بدارك

ثم عقب الشيخ فقال

هكذا ولله المثل الإعلى أنت مع ربك
إما أن تعمل عملا يليق بمعبودك أو أن تختار ربا يليق بعبادتك


جزاكم الله خيرا على الموضوع

دمتم بكل ود

أسألكم الدعاء .. البوسطجي 2

محمد عـنـانـى يقول...

اسالك الدعاء
وليكى تاج عندى

اسماء العريــان يقول...

جميل جدا يا مكسراتى ... قسم واحد بقى نقول ايه

الـفجـريـــة يقول...

التدوينة دى جميلة جدا بجد..

وجاتلى فى وقتها

دايما نشغل نفسنا باللى منقدرش نغيره وده غالبا بيكون هروب من اننا نبذل مجهود فى اللى نقدر عليه..

جازكى الله خيرا
لا تغيبى عنا كثيرا
شدى حيلك فى المذاكرة

The Manager يقول...

فعلا الغالبية بقى عندها كِبر انه يقول أنا اسف !

الإعتراف بالحق فضيلة

وطالما حد اخطأ يبقى لازم يصلح غلطته بطريقة صحيحة

موضوعك جميل

جزاكى الله خيرا

جمعاوى يقول...

ح أبقى مش مجمل لو قلت لحضرتك
الله ينور
على فكرة أنا كنت لسه ح أكتب تدوينه عن الموضوع ده بالذات على مدونتى
جزاااكم الله خيراً
و ع العموم
انا آسف

مقاومة يقول...

انا هاخد قطعة من تدوينتك دي يا مكسرات في المصري اليوم في شريط المدونات ليوم الأحد ان شاء الله بعد اذنك لانه بجد بيعبر عن حاجات كثير في حياة الشباب و لازم نقولهم اعتذروا و اعملوا اللي عليكم
شكرااااااا
سارة نور الدين

طهقان يقول...

واضح انك كنت عايزة تعتذري لحد

فا بطريقة غير مباشرة
قلت له
اسفة




ماشي

هانقبل الاسف والاعتذار المرة دي

إنما المرةى الجاية
لاممكن ابدا

قلب أبيــض يقول...

اولا انااسف

ثانيا البوست جميل

ثالثا والمهم
جزاكم الله خيرا وجعلة فى ميزان حسناتكم

حلم الحرية يقول...

اسفة

حقيقي اسفة


لناس زعلتها.. اسفة
لاهداف غفلت عنها.. اسفة
لاحلام نسيتها... اسفة
لاعمال قصرت فيها... اسفة
لنداءات تجاهلتها ....اسفة

للكثير والكثير... اسفة

اعتذر لكل هؤلاء ولغيرهم واحلم ان يقبل اعتذراي

أحمد السباعـي يقول...

بوست جميل اولا

ثانيا : لو كلنا اتعلمنا نقول آسف
كانت امور كتييييييير جدا في حياتنا
كانت بقت افضل ومشاكل كتييير
كانت لم تحدث اصلا

Fahd يقول...

يبدو أن ثمة عبقرية ادبية تسعي للظهور

أبو نضال يقول...

حقيقى فعلا المشكلة اننا دايما بننظر للأمور من منظورنا احنا، و كأننا مبنقصرش و مبنغلطش

تدوينة رائعة و نأمل فى المزيد

mohamed يقول...

الأسف خطو جيده في الغير ولكن ما بعد الاسف هو التغير والنجاح ذاته

واحد من الإخوان يقول...

أنا اذكر لما فتحتي المدونة دي كان فيه ترحيب كبير بين المدونين خاصة من الإخوان لإنها كانت على ما اذكر اول مدونة لبنت من الإخوان

لكن

مش عارف ليه المعدل بتاع الموضوعات بطئ
او الفترات متباعدة

مع إن طريقتك في الكتابة كويسة والأفكار ممتازة

انا مش عارف وجهة نظرك

اتمنى لو نسمعها

محمد حمزة

بنت من الاخوان يقول...

اشكركم جميعا على المرور واللاضافه أخي
مشروع بطل
الاسف يتبعه عمل ننتظرمنك التغيير

صوت عصفوره معاك حق انه ما ينفعش موضوعين في نفس الوقت لكن انا اخطات واخرت بوست المدون الحر منعم وفكرة البوست "انا اسف"كانت ملحه لكن اتا برضه اسفه

أخي البوسطجي معك حق الاعتذار لله اولا

محمد حمزه فعلا ينقصنا العزيمه كما تنقصنا شجاعة الاعتراف بالخطا

بنت من الاخوان يقول...

محمود سعيد ضيف عزيز شكرا لك
كيلوياترا جزاك الله خير وميروك المدونه وننتظر ابداعاتك
اخي وضاه اشرق بمرورك ومدونة حضرتك فعلا رائعه وانتظر جديدها
اخي العناني تاجك في الحفظ والصون بس استاذن لبعد الامتحانات عشان امخمخ فيه
اسماء العريان جزاك الله خير
الفجريه اسايك الدعاء كثيرا وهحاول ما اغيبش
جمعاوي اشكرلك رفع المعنويات

بنت من الاخوان يقول...

مقاومه بجد اشكرك وعملتيلي دعايه ما حلمتش بيها واسال الله ان تغير هذه الكلمات مني ومن جيلي

طهقان"هو مش انا"
بصراحه الموضوه مش كده ده ليه ابعاد دفينه بس خير
شكرا على مرورك
قلب ابيض اشكر لحضرتك المرور

السباعي
اشكر لحضرتك التشجيع الدائم ومنكم نستفيد
وننتظر تدويناتك بفارغ الصير

فهد"بالانجليزي"
جزاك الله خير

ابو نضال
معك حق وجزيت خيرا

محمد"بالانجليزي
معك حق

بنت من الاخوان يقول...

مانجر "بلانجليزي"
معك حق وجزاك الله خيرا

محمد حمزه
انا اسفه لان موضوعاتي غير منتظمه
واسفه من كل قلبي لكل مدون او قاريء عزيز يقطع من وقته جزءا ليرى جديد مدونتي فلا يجد شيء
وحقيقة انا كنت متردده في انشاء مدونه لانها مسؤوليه وانا لم انظم وقتي بالشكل الكافي لاتحملها
ولكن قلت لنفسي ان انتج في هذا الوقت 10%من اهدافي في المدونه خير من لا شيء
وساحاول بعد الامتحانات باذن الله ان انظم وقتي واقتطع لها وقتا ثابتا
وساعدوني بدعائكم
واشكر لك اهتمامك ونصحك يا اخي

sharkawoo يقول...

هي ثقافة غائبة عنا جداً... ثقافة الأسف الحقيقي ... وثقافة عدم الترير

نحن في أشد الحاجة إليها في وقتنا الحالي ...

موضوغ جميل جزاكم الله خيراً ...

أحمد سعيد بسيوني يقول...

بارك الله فيك اختي الكريمة
وزادك من فضله
تحياتي
البحر

Alaa يقول...

سلام عليكم
أول زيارة للمدونة
ما شاء الله ممتازة ربنا يباركلك

موضوع الاسف دلوقتي قليل لما حد بيقول انا اسف
و كل واحد بيحمل اخطائه لناس تانيين
و ده عيب خطير
ان الانسان ميعترفش بخطأه و يتأسف عليه
و أنا باعتبره نوع من الكبر

ملحوظة :
بلاش عرض التعليفات في نافذة لوحدها لانها بتكون تقيلة جدا و على ما اكتب تعليق تكون مرارتي اتفقعت :)
سلام عليكم

سناالإسلام يقول...

جزاكم الله خيرا موضوع رائع

غير معرف يقول...

جزاكى اللة خيرا يااجمل مكسرات وربنا يتمملك عرسك على خير انااسف لاني اول مرة ادخل على مدونتك وهى بالفعل ممتازه وبارك الله لكى فى ابن خالك السباعى