الثلاثاء، ١ يناير ٢٠٠٨

!نعمة الثلاموس


أثناء أحدى المحاضرات الشيقه لمادة علم النفس الطبي

"جاء ذكر الثلاموس" أحد أجزاء المخ يقع في منطقة جذع المخ

فكان هناك تساؤل هل هو فص من فصوص المخ أم غده؟؟

نفت الدكتوره ان يكون أحد الخيارين

:وشرحت وظيفته وهي

إستقبال إشارات الاعصاب الحسيه وتوزيعها على مراكز الاحساس في المخ

يعني لو أحساس بالجوع تنقله لمركز الجوع

ولو منبه بصري تنقله لمركز الابصار ويقوم المركز باصدار استجابه ملائمه
...........
سرحت بعيدا عن المحاضره

!!تخيلت لو ثلاموسي عطل وبقيت بستبقبل منبهات الالم وما فيش استجابه

ايدي مثلا بتتحرق بس مخي واقف مش عارفه اعمل ايه؟
......
!"سرحت كمان وتخيلت لو الثلاموس" هنج

!وبدأ ياخد المنبه البصري-صوت شديد مثلا-وينقله لمركز الابصار فأغمض عيني

!او منبه الالم ينقله لمركز الجوع فاروح اكل
.........
ساعتها حسيت ان في نعم خفيه كتييييييييييييييييييييييييييييييييييييير احنا مش حاسين بيها

ولا عمرنا حمدنا ربنا عليها

"وافتكرت الايه"وان تعدوا نعمة الله لا تحصوها
...........تعالوا نقول :يارب لك الحمد على نعمة الثلاموس

هناك ٧ تعليقات:

ســـارة يقول...

أنا عمالة أقول يارب هو ايه الثلاموس ده ؟؟
عقبال ما جمعت بقى اكتشف ان هو الthalamus

بس بلغة الفرنجة


احنا لو هنقعد نفكر في نعم الله هنحس بضآلتنا حقاً

الحمد لله المنعم

أحمد السباعـي يقول...

ياربي لك الحمد كما ينبغي لجلال وجهك وعظيم سلطانك

محمد يقول...

ذكرتني بحديثك عن المدعو الثلاموس

بجزء صغير بجوار بروسيسور الكومبيوتر يدعى
chip
أظن أن وظيفته مقاربة لوظيفة الثلاموس

اللهم لك الحمد كما ينبغي لجلال وجهك وعظيم سلطانك

بارك الله فيك

نور جديد يقول...

حقيقي جزاكي الله خيرا على التذكرة دي
بس مش عارفة و انا في بداية القراءة تخيلت انك هتتحولي و تقولي اهو بأه للاسف بقى في ناس في الشعب و المجتمع الثلاموس ده عندها عطلان فبأت الاحداث تحصل حواليها و هي عادييييييييييييييي
مفيش مشاكل
يمكن الاحساس ده جالي من كثرة المدونات اللي بتكلم في السياسة و سوء الحال اللي وصلت له مصر و الاقتصاد و الفتنة الطائفية و الامن و الخناقات و انا و انت و سمعني اجدع و احلى سلام لحضرتك على هذه التدوينة الرائعة اللي فكرتنا بالمنعم تبارك و تعالى
و الحمد لله

أبو لطفي يقول...

نشكرك أختنا الكريمة على التأمل الرائع ده.

وده فكرني بقصة حكاها لنا أ.د حسام موافي (من أكبر أساتذةالقصر العيني)لما كان بيشرح لمجموعة من زملاؤه وهم في الإمتياز عن حاجة في وظيفة الكلى(تفاصيل شرحهاطويل شوية)
كان بينهم واحد مصري بس شيوعي , من عظمة بديع الله نطق وقال: سبحان الله

وبالمناسبة يا مكسرات ..... بيتهيألي لو حبينا نكتب Thalamus باللغة العربية نكتبها الثلاماس عشان ننطقها صح.
ولك تحياتي و تقديري على مدونتك الجميلة........ وعقبال 100 سنة

Unknown يقول...




شركة تنظيف بالرياض
شركة تنظيف منازل بالرياض
شركة تنظيف خزانات المياة بالرياض
شركة نقل اثاث بالرياض

شركة تخزين اثاث بالرياض
شركة كشف تسربات المياة بالرياض

ابوعدي للتسوق يقول...


شركة مكافحة حشرات بالاحساء
شركة تنظيف منازل بالدمام
شركة تنظيف منازل بالخبر