الأحد، ٢٧ يناير ٢٠٠٨

مكسراتي........كل سنه وانت طيبه


انهارده يوم ميلا د مكسرات
ايوه بقالها سنه
هي كبرت
وانا كمان كبرت
من سنه وكام شهركنت بحلم
بحلم باني هعمل مدونه
اكتب عليها افكاري
وخواطري
والامي
ياااااااااااااااه
من سنه وكام يوم
كنت بفكر في اسم مدونتي
أعملها ازاي
اسيب اخويا يعملهالي
ويبقى ليه الفضل والمنه
لا
انا هعملها
هحاول وزي ماتيجي
من سنه وكام دقيقه
كانت مكسرات
على وشك الولاده
ووصلت مكسرات
واستقبلتها بأخيرا مكسرات
ونسيت الباسورد
وناس كتيييييييييير قالوا اخيرا
مدونه لبنت اخوانيه
يلا فينك
وانا منظري وحش
واخيرا لقيت الباسورد
وكتبت
.................
مكسرات تجربه علمتني كتير
كتبت انا اسف
ومن بعدها بقيت بفكر في اخطائي قبل ما الوم حد
وكتبت شعري وعبرت
عن غضبي في قلمي الحر  
كتبت عن رحله الزهرات
وبعدها حسيت اوي بالنعمه اللي معايا وكمان المسؤليه
كتبت انا مختلف
ونفست عن ضيقي
كتبت هل صرنا كغثاء السيل
فامدني الرائعون بالامل
..................
ناس كتير اعرفهم او معرفهمش
شجعوني
تابعوني
نصحوني
فكروني
عشان مكسرات
على راسهم
زوجي احمد السباعي
رفيقة الكفاح آيه
الصديقه الرائعه اسراء
اختي خديجه
المدون الفاضل وضاح
والمدون عصفور المدينة
وكثيرون
لم اذكر اسمهم لذاكرتي السيئه
ولكن شانهم عظيم
انا مدينه بالشكر لكل من خط كلمات في مدونتي
لكل من شارك في ادارة الحوار
أواطل على مدونتي
اونصحني
........................
مكسرات
احب اعترفلك اعتراف من حقك
انا بحبك اوي
لدرجة اني بفكر فيكي كل وقت
كل ما اروح الاسره
اخرج مع احمد
اقابل الزهرات
احضر لقاء
اروح مسيره
كل ماابعد عن ربنا
او اقرب
كل ما احضر محاضره
اقرا كتاب
اتفرج على الاخبار
اجي اخد قرار
كل وقت
افكار كتيير
اقول هكتبها على مكسرات
صحيح انا من كل 20 فكره لما بكتب واحده
بس بفتكرك
سامحيني
وبوعدك اني هاكون احسن
كل سنه وانت طيبه يا مكسراتي
كل سنه وانت عامره
وانت مدونتي
...........
اتمنى كل واحد وكل واحده
يدخل ويقول
كل سنه وانت طيبه يا مكسرات
ويقول
ايه تقييمه لمكسراتي
ويقترح عايز ايه او متوقع ايه من مكسرات
في انتظاركم انا ومكسرات

هناك ١١ تعليقًا:

أحمد السباعـي يقول...

كل سنة وانتي طيبة يا مكسرات
وعقبال 100 مليون سنة وانتي عمرانه بالخير وبالأفكار الجميلة والمفيدة

وتبقي دايما منارة نور
وصفحة ذكريات مليئة بكل الحلويات والمكسرات الجميلة الشرقية والغربية

وكل سنة وانتي طيبة ياصاحبة مكسرات
وزوجتي الغالية

ودايما بتفكرني مكسرات بأيام الخطوبة الجميلة

وبحلم اني بعد سنوات كتييييرة لما افتح مكسرات افتكر لقطات ولحظات ومحطات رئيسية في حياتنا سواء حاجات نتعلم منها او مواقف حصلت واستفادتنا منها

زوجك أحمد

محمد يقول...

كل سنة ومكسرات فيها المفيد الثمين

إنما الفضل لله .. وليس لأحد فضل

جزاك الله خيرا

عصفور المدينة يقول...

بارك الله فيك ودائما ينفع الله بك
والمدونة طيبة هادئة فيها كثير من السكينة

حفظك الله وزوجك وبارك فيكما

bent elbana يقول...

كل سنة وانتي طيبة يا احلى مكسرات


شوفتها في حياتي واتعلمت منها الكثير


ومن كاتبتها الكثير والكثير

"النجم القادم" يقول...

السلام عليكم
مدونة جميلة
ربنا يباركلك ياااااااارب
وكل عام انتى الى الله اقرب
خير الناس من طال عمره وحسن عملة
وادعوكى لقراءة اخر بوست
بعنوان
الخلوق ابوتريكة ونصرة غزة

الفاروقة يقول...

كل سنة وانتى طيبه يا مكسرات

وتكونى دايما كده مليانه بالخير والعطاء


بصراح اكتر حاجه عاجبانى فى مكسرات انها مش شخصيه

يعنى مش يتدخلى تتكلمى عن مشاكلك الخاصة

واجمل حاجه انك بتعرضى افكار متنوعة و بيكون كل واحد محتاجها

ربنا يبارك لك فيها يا حبيبتى

jejemam55@gmail.co يقول...

كل سنه وانت طيبه يا مكسرات
اول مره افتح مكسرات فرحت اوى انى لاقيتها
وبقيت افتحها ديما لحد ما قريت مل اللى فيها
بس زعلت لما اتوقفتى فتره
وقولت لعل المانع خير
واما عرفت انك متزوجه
قلت لكى حق فى الغيبه وربنا يعينك

وانقطعت انا عن فتح مكسرات
لكن جميل ان اجى فى عيد ميلادها
كل سنه وانت طيبه وعامره مفيده
وصاحبتها فى خير وسلامه

اتمنى نكون اصحاب
om_eyad06@yahoo

jejemam55@gmail.co يقول...
أزال المؤلف هذا التعليق.
أُكتب بالرصاص يقول...

كل سنة وانت طيبة

ودايما في المقدمة

_**( قلب الأسد )**_ يقول...

كل سنه وانت طيبه يا مكسرا وعقبال ملسون سنة من التئلق فى بحور الحريه وجوزة الهند

ابوعدي للتسوق يقول...

شركة تنظيف بالدمام
شركة تنظيف بالخبر
شركة تنظيف بالجبيل